Baku City Residence

Baku City Residence layihəsində tikinti işləri tamamlanmış, bütün kommunal təchizat sistemi tam quraşdırılmışdır. Tam təmirli şəkildə təhvil verilən mənzillər Əmlakın Dövlət Reyestrində qeydiyyata alınır və mənzil sahibləri çıxarışla təmin olunur. Yaşayışa hazır mənzillər şəhərin prestijli yerində, Heydər Əliyev prospektində yerləşir. Baku City Residence-də mənzil sahibi olmaq xüsusi imtiyazlar əldə etmək deməkdir. Bura sadəcə rahat və hüzurlu yaşayın məkanı deyil, həmçinin gələcək üçün perspektivli yatırımın ünvanıdır. Şəhər mərkəzinin səs-küyündən və tıxacından kənarda hüzurlu yaşayış sizi gözləyir.

Kompleksin tikintisində istifadə edilən materiallar yüksək keyfiyyət standartlarına tam cavab verəcək şəkildə hazırlanmışdır. Tikintinin hər bir mərhələsi xüsusi keyfiyyət və davamlılıq testindən keçirilib, sertifikatlaşıdırılıb. Binaların pəncərə sistemi alman istehsalı olan xüsusi hermetik şüşələr ilə hazırlanıb. Bu da şüşələrin qırılmazlığı və təhlükəsizliyi baxımından çox vacibdir. Qeyd edək ki, bu materiala malik şüşə sistemi yalnız BCR layihəsinə daxil olan binalardadır. Bizim layihənin fərqləndirici xüsusiyyətlərindən biri də binaların xüsusi izolyasiya ilə üzlənməsidir. Bu izolyasiya ardıcıl olaraq mata, preslənmiş daş yunu, mata, tor (setka), mata, döşəmə, çöl boyası qatlarından ibarətdir. Bundan əlavə, bloklarda istifadə olunan kermaqranit Türkiyə istehsalıdır.

BCR yaşayış kompleksinin tikintisi zamanı keyfiyyətli, dünya standartlarına cavab verən materialların istifadəsi ilə yanaşı layihənin dizaynına, hər bir detalına da xüsusi diqqətlə yanaşmışıq. Binaların dizaynı, quruluşu, kompleksdəki hər bir tikilinin rəng çalarları birlikdə harmoniya təşkil edir və kompleksi vahid şəkildə cəlbedici edir. Zövqünüzü oxşayacaq tərzdə hazırlanmış interyer və eksteryer malik binalar paytaxtamızın memarlıq üslubuna gözəllik qatır.

“Müasir Bakıda hüzurlu yaşayış” devizimizdən yola çıxaraq hər zaman kompleksimizin hər bir sakininə bərabər şəkildə, böyük məmnuniyyətlə və ən əsası yüksək keyfiyyətlə xidmət göstəririk. Blokların hər birində quraşdırılmış 3 ədəd sürətli, səssiz lift və avtodayanacaqdan liftə birbaşa giriş-çıxış olması sırf sizin rahat gediş-gəlişiniz üçündür. Layihə daxilindəki hər bir bina 24/7 su ilə təchiz olunur. Mərkəzi elektrik təchizatı sistemi və xüsusi generatorlar isə evinizi kəsintisiz elektrik enerjisi ilə təmin edir. Həmçinin siz rəqəmsal TV şəbəkələrinə, internet provayderlərinə rahatlıqla qoşula bilərsiniz.

Böyük şəhərin böyük problemlərindən biri də avtomobillərin saxlanması yerləridir. Yeni yaşayış kompleksinizdə sizi bu problemdən uzaq tutmaq üçün 200-dən artıq avtomobilin yerləşə biləcəyi yeraltı və yerüstü avtodayanacaqlar salınıb. Ümumi parkinq sistemi elə düşünlüb ki, siz istədiyiniz vaxt avtomobilinizi təhlükəsiz və rahat nəzərdə tutulmuş yerlərə park edə bilərsiniz. Yerüstü avtodayancaq yerləri və uşaq oyun meydançası arasındakı xüsusi məsafə uşaqların təhlükəsizliyini tam təmin edir.

Biz yaşıllığı sevirik və kompleksimizdə ekoloji cəhətdən təmiz bir mühit yaratmaq bizim əsas məqsədlərimizdəndir. Əminliklə deyə bilərik ki, təbiət dostu olduğumuzu kompleksimizinə atdığınız ilk addımdan hiss edə bilərsiniz. Ərazidəki saysız-hesabsız yaşıl ağaclar təmiz havada yaxşıca dincəlməyinizə şərait yaradır. Bu, həmçinin o deməkdir ki, övladlarınız etibarlı və ekoloji baxımından təmiz mühitdə oynayır, vaxtını əyləncəli keçirir.

Kompleksimizdə sizin və ailənizin rahat istirahət etməyi və asudə vaxtını gözəl keçirməyi üçün demək olar ki, hər bir şərait yaradılıb. Yaşayış binalarının ətrafı sanki yaşıl parklarla əhatə olunub. Çoxlu sayda ağaclar ərazidə həm ekoloji cəhətdən sağlam mühit yaradır, həm də kompleksin ümümi görüntüsünə gözəllik qatır. 

Balacaları da unutmadıq. Onlar üçün də geniş oyun meydançası və müxtəlif karusel, atraksiyonlardan ibarət böyük əyləncə mərkəzi yaratdıq.

Sağlam və uzunömürlü həyat sürməyin ən öndə gələn şərtlərindən biri də mütəmadi olaraq idmanla məşğul olmaqdır.  Məhz buna görə də kompleksimizdə xüsusi ərazi yaratdıq. Bu ərazidə idman meydançaları, fitnes zalı, sauna, gimnastika və SPA mərkəzləri fəaliyyyət göstərir.

Ekoloji təmizliklə yanaşı sağlamlıq da bizim üçün də prioritet məsələlərdən biridir. BCR kompleksinin tikinti planına sağlamlıq mərkəzlərinin inşası da əlavə edilib. Ərazidə həm böyüklər, həm də uşaqlar üçün müxtəlif təyinatlı tibb və müayinə mərkəzləri (klinika, stomatologiya və s.) fəaliyyət göstərir.

Kompleksimizin hər bir sakininə yüksək keyfiyyət və böyük məmnuniyyətlə xidmət göstərməkdən hər zaman məmnunuq. 7/24 videonəzarət, yanğın və mühafizə xəbərdarlığı, binanın bütün giriş-çıxışlarında nəzarət, ərazidə təhlükəsizliyin tam təmin edilməsi, mənzillərdə gündəlik təmizlik xidmətlərinin göstərilməsi xidmətin peşəkarlıq göstəricisidir.

Bakı günü-gündən durmadan inkişaf edir, müasirləşir. Artıq paytaxtımız zamanla bərabər dünyanın ən iri şəhərləri ilə də ayaqlaşa bilir. Və hətta biz Bakının gözəl gələcəyə doğru irəliləməsinə öz gözümüzlə şahid oluruq. 

Öz növbəsində Baku City Residence də şəhərimizin memarlıq üslübuna tam uyğundur və onun özünəməxsus gözəlliyinə xüsusi töhfə verir. 

Sürətlə abadlaşan, get-gedə zavod və fabriklərdən azad olan şəhərin inkişafında şəhərətrafı zonaların rolu artır. Mərkəzdə artan sıxlıq və səs-küy investisiyaların və yaşayışın şəhərkənarı ərazilərə köçürülməsinə səbəb olur. Məhz buna görə də layihənin yerləşdiyi məkan onun dəyərini daha da artırır. 

Siz riskli və çox vaxt aparan yatırımlardan uzaq duraraq qarantiyalı və perspektivli işə sərmayənizi qoymağa dəvət edirik. BCR yaşayış kompleksi böyüyür, yeni binalar inşa olunur və layihələrin sayının artırılması planlaşdırılır.

Mənzillərin planlarına aşağıda baxa bilərsiniz.   Əlavə məlumat əldə etmək üçün satış mərkəzi ilə əlaqə saxlayın. ___________________________________   Əmlakınızı rahat və qısa zamanda satın - evler.az   Alizadeh Deluxe - Dizayn, təmir, mebel bir ünvanda   Ağ Şəhərdə yaşayış kompleksləri   Səbail rayonunda yaşayış kompleksləri   Nərimanov rayonunda yaşayış kompleksləri   Binəqədi rayonunda yaşayış kompleksləri   Suraxanı rayonunda yaşayış kompleksləri   Nəsimi rayonunda yaşayış kompleksləri   Xətai rayonunda yaşayış kompleksləri   Yasamal rayonunda yaşayış kompleksləri   Nizami rayonunda yaşayış kompleksləri   Sabunçu rayonunda yaşayış kompleksləri   Qaradağ rayonunda yaşayış kompleksləri   Abşeronda yaşayış kompleksləri   Sumqayıtda yaşayış kompleksləri ___________________________________